Lacto-Clivon është një dush vaginal i formuluar për të ruajtur dhe rivendosur një florë të shëndetshme vaginale. Ai përmban laktobacile, baktere të dobishme që ndihmojnë në mbajtjen e ekuilibrit natyral të mjedisit vaginal dhe në parandalimin e mbipopullimit nga mikroorganizma të dëmshëm.

Ky produkt përdoret veçanërisht në rastet kur ekuilibri vaginal është prishur nga infeksione bakteriale, kërpudhore (Candida) ose parazitare (Trichomonas), si dhe pas përdorimit të antibiotikëve, menstruacioneve apo kontraceptivëve lokalë. Gjithashtu, është i dobishëm për trajtimin e sekrecioneve të shtuara vaginale dhe për mbështetjen e florës intime te gratë në periudhën e menopauzës, kur ndryshimet hormonale ndikojnë në shëndetin vaginal.

Lacto-Clivon ndihmon në përmirësimin e gjendjes së përgjithshme të zonës intime, duke rikthyer freskinë, lehtësuar shqetësimet dhe përforcuar mbrojtjen natyrore të trupit.

Përdorimi

• Flakoni A (transparent) shtypet fort mbi pjesën e sipërme të flakonit që përmban lactobacilet e gjalla, për t’i përzier ato me solucionin.
• Flakoni tundet derisa të krijohet një tretësirë uniforme.
• Hiqet kapa dhe vendoset kanula, e cila futet në thellësi prej 7-10 cm në kanalin vaginal.
• Më pas ushtrohet presion në flakon derisa të shfrytëzohet gjithë përmbajtja.
• Flakoni B (rozë) përdoret 7 ditë pas përdorimit të flakonit A dhe vjen me kanulën e integruar në flakon.
• Ai futet 7-10 cm në kanalin vaginal dhe ushtrohet presion derisa të shfrytëzohet i gjithë përmbajtja.